Direct Selling Kya Hai? Direct Selling ke Liye Government ke Banaye Gaye Rules

3
266

Direct Selling Kya Hai?(डायरेक्ट सेलिंग क्या है?)

Direct Selling kisi Bhi Product ki Marketing karna Aur us Product ko Customer tak Pahunchana Direct Sale hai. Direct selling aap kahin bhi kar sakte hain. Chahe to ghar me ya office me. Direct selling me kisi bhi product ki jankari seller deta hai.

Pehle Bharat me Multi Level Marketing(MLM) ki companiyon ko pareshaniyon ka samna padta tha. Multi Level Marketing(MLM) me koi kanoon na hone ki wajah se Direct Selling companiyon ko aaye dino pareshaniyon ka samna karna pad raha tha. Jisme Amway company ko sabse jada nuksaan uthana pada tha. Inhi Direct Selling Companiyon ne Milkar Indian Direct Selling Association(IDSA) ko banaya.

 

 

Direct Selling Company Kya hai?

Direct Selling Companies Apne Products ko Dukaano ke Jariye Bechne ki wajay Customers ko Sidhe Bechti hain. Yeh companies Independent Sale ke Jariye Aadmi se Aadmi par selling karti hai. Jaise Amway, Oriflame, Avon, ModiCare India Direct Selling companies hain.

 

Direct Selling Companies Kaise Kaam Karti Hain?

Direct Selling Companies Independent Sales ka Network Banati hain, Jo Apne Personal aur Doosre contact me rehne waale persons ko products Bechte hain. yeh log company ke Employee nhi maane jaate hain. yeh Self Employee ban jaate hain.

Aur in Employees ko commission Milta hai (jaise ki Log apna Business Karte hain Waise hi). Aajkal ke log jo Direct Sales Karte hain veh Internet Aur Social Networking Websites ka Use Bhi karte hain.

 




 

Sales ko Represent Karne Waale (Direct Seller) Paise Kaise Kamate Hain?

Direct Selling Companies(डायरेक्ट सेलिंग कंपनी) Do tarah ki hoti hain. Aur marketing Bhi Do prakar ki hoti hai.

# Single Level Marketing(SLM)
# Multi Level Marketing(MLM)

Multi Level Companies Product Sale Karne Waale Persons ko Sale ke Commission ka ek Hissa Deti hai. Multi Level Marketing me Product Sale karne waala Person Doosre Logo ko sales Team ke sath jodkar Apna Distribution Network Bana sakte hain. Unhe Bhi Unki Sales ke Hisab se Commission Milta hai. Yeh Humaare Bharat me Direct Selling Karne ka sabse popular Model hai.

 

 

Direct Selling Companies Humesha Controversy(Vivad) me kyun Fasi Rahi Hain?

Bahut si Companies ke Direct Selling Association of the users aur Prize Chits and Money circulation Banning Act, 1978 ke banaye gaye Niyamo ka palan na karne se Industry Vivado me Fas Gayi. Niyam Kehte hain ki Chain ka koi Bhi member Sirf naya Salesman rakhkar ya refer karke kamayi nhi kar sakta hai.

Agar Members ko sirf Person Rakhne se Kamayi Hoti hai. To yeh Chain Ponzi Scheme Ban Jaati hai. Jisme Logo ki Income Tab Badhti hai jab naye log isme Judte hain. Niyam ke hisab se Person rakhne waale ko income tabhi honi chahiye jab veh kuch sale kare. Sale se Nayi Economic activity shuru hoti hai. Aur seller ke Commission ko chain me Shamil Doosre Logo me Distribute kiye jaata hai.

Jo Multi Level Marketing Companies Naye Persons ko Bechi Jaana waali Start up Marketing Kit ki cost ko Person ki Sales ke Taur par Leti Hain. Veh Ek tarah se Naye Person ki Joining se Kamai Kar rahi hain.

 

Direct Selling Companies Kyon Kehti hain ki Circulation Banning Act, 1978 Utna kaam nhi karta hai?

Direct Selling Companies ka Kehna hai ki Veh aisi koi Scheme nhi Chalate Jo Logo ko Jodkar Raato raat Ameer banne ka Sapna Dikhata hai. Jo distributers ka Commission Payment Sidhe Users ke Sales Performance se Juda hota hai. Veh Sirf Naye Persons ko Join kara kar paise nhi kama sakte.

 

 

Direct Selling ke Fayde

Direct Selling ek Bahut hiu accha Plaform hai jis se aap kam paiso me apna Business shuru kar sakte hain. Direct Selling karna yani khud ka Business karna. Direct Selling Customer ke Liye bhi bahut accha hai. Customer ko Ghar baithe accha Product kam Daamo par mil jaata hai.

Direct Sale ka kaam log ghar baithe bhi kar sakte hain. Aur accha paisa kama sakte hain. Yeh sab Lines Bharat ki Direct Selling Association IDSA kehti hai.

Direct Sale Companies me Product ko Store ke Jariye nhi Becha Jata hai. Kisi Prakar ka Store na Hone ki Wajah se Logo ke mann me Quality ko lekar Thoda Doubt aa jata hai.

 

Asal me Direct Sale hai Kya?

Direct Sale ek Aisa Process hai Jisme koi bhi Product Direct customer ko becha jata hai. isme kisi aur ka role nhi hota hai.

 

Government Dwara Banaye Gaye Direct Selling ke Rules

> Jise bhi Direct Sale ki Company Kholni hai Uski ek ek firm registered hona bahut jaroori hai. Aur yeh Firm partnership hoti hai.

> Koi bhi Direct Seller Direct Selling me Join karta hai. Aur Products ko Bechne ke liye ek Direct seller bankar kaam karta hai.

> Koi bhi person jo Direct Seller se Product Kharidta hai. Veh Upbhogta hota hai. gar Veh Khud Samaan Bechna Chahe to veh Direct Seller Bankar Product Bech Sakta hai. Direct Seller klo Payment Company karti hai.

 

 

Direct Selling Company Ke Paas Kya Kya Hona Jaroori Hai?

> Direct Selling Company ka ek Bank Account hona jaroori hai. Jahan par company Registered hai wahi par jaise India me hai to India me Uska Account hona jaroori hai.

> Company ke Saare document Par Sign hone jaroori hain.

> Company Govt. ko ek Statement Likh kar Deti hai ki veh kis tarah se apna kaam karegi. Aur kya kya Transparency uske andar hogi.

> Direct Selling Company ke Dwara yeh Agree karna jaroori hai ki veh kisi bhi direct seller ko vo hi incentives degi jab uske dwara company join karte waqt usko bataye gaye the.

> Company ki ek Website hona Jaroori hai jisme Sabhi Direct Seller ki Information Honi bhi jaroori hai.

> Upbhogta ke liye ek mobile number bhi hona jaroori hai. Jiske Madyam se Upbhogta ko koi samasya aati hai to vo company me contact kar sakta hai.

> Company ki website par ek aisi jagah bhi honi chahiye jahan par Upbhogta apni Problems bata sake.

> Direct sale Company ki Jimmedari hoti hai ki veh Direct Seller ke Dwara company join kiye jaane par usko sabhi payment ki receipt aur Security Document Diye Jaye.

> Kisi bhi tarah ka kaam shuru karne se Pehle Company aur seller ke beech ek Agreement hona jaroori hai. Indian Contract Act ke Madhyam se kisi ko join hone ke liye suitable hona chahiye.

> Direct Seller ko Product Bechne ka License dene se Pehle Direct Seller ko ek Identification Number Dena Jaroori hai.

> Jab Direct Seller’s ko incentive diya jata hai us se company ki Sales ka Paimane ka is se koi Lena Dena nhi hota hai.

> Direct Selling Company Aur Direct Seller kisi Prakar ke Paise me Gadbadi me Shamil nhi Hone Chahiye nhi to unpar Legal Action ho sakta hai.

> Kisi Bhi Product ke Packet par Uski MRP saaf Dikhayi deni jaroori hai.

> Direct Seller ka Account Acchi Tarike se Manage Hona Chahiye. Aur Internet par Dikhayi Dena Chahiye.

> Nischit ki Gayi Date ko Direct Seller ka Incentive Diya Jana Chahiye.

> Company ki Product ki Guarantee ya Warranty Hona Jaroori hai.

 

Direct Seller ke Paas Kya Kya Hona Jaroori Hai?

Har Direct Seller ko ek File Manage Karni hai Jisme Sabhi Company ke Sabhi Documents ki Information Hogi.

> Certificate Veh hon jo Registrar of Companies, MOA and MOM ne Diye Honge.

> TIN, DIN of Directors, TAN, and PAN ki Photocopy Honi Chahiye.

> Sales Tax, Service Tax, CST Registrations ke Certificate.

> Sale Tax Returns ki Photocopy honi chahiye.

> Service Tax Returns ki Photocopy honi chahiye.

> Company ki IT returns ki Photocopy honi chahiye.

> Distributer ko Diye gaye TDS ka Statement Aur Chalan ki copy honi jaroori hai.

 




 

Kisi Bhi Direct Seller ya Phir kisi Upbhogta ke dwara ki gyi Complaint ki Andekhi nhi ki Jaani chahiye. Jo Bhi complaint uske Dwara ki gyi hai uska niptara jldi hona chahiye.

Upar Diye Gaye Niyam aur Sharte Direct Seller ke Dwara Ya Phir ek Consumer ke Dwara maani jayengi. Inka Palan na Karne par Kaam nhi Kiya ja sakta hai. Nhi to Kanooni karwahi Bhi Ho sakti hai.

Phir Vo chahe Company ke Uper Bhi Ho Sakti hai. Aur ek Direct Seller ke Upar Bhi.

Note- Agar aapko yeh Post”Direct Selling Kya Hai? Direct Selling ke Liye Government ke Banaye Gaye Rules” Pasand aayi ho to Comment me apne Sujhav Jaroor Dijiye. Agar aap Bhi Direct Sale Company me Kaam karna Chahte hain to Humen Contact kar sakte hain.

 

 


3 COMMENTS

LEAVE A REPLY

Please enter your comment!
Please enter your name here